💢 УДМУРТ КЫЛЪЯ ДЫШЕТӤСЬ РОССИЫСЬ АНАЙ КЫЛЪЯ УСТООСЫЗ ДЫШЕТӤСЬЁС ПӦЛЫН! 💢
📢 Йылпумъяськиз "Россиысь анай кылъёсъя дышетӥсьёслэн мастер-классы" конкурс. Сое радъяз Дышетонэз азинтонъя федерал институтысь Дышетон удысысь йӧскалык ужпумъёсты тодон-эскеронъя центр но Анай кылъя дышетӥсьёслэн ассоциацизы. Вожвылъяськонлэн зачно ортчем этапаз кунысьтымы но кунгож сьӧрысь 519 ӧнерчиос пыриськизы. Финалэ быръемын вал 42 ӧнерчи. Пӧлазы Удмурт Элькунысь Дэри шор ёзо школаысь Завьяловская школа удмурт кылъя но литературая дышетӥсь, "Вордскем кыл" журналлэн авторез Милана Фаридовна Заварзина. Егит дышетӥсьлы конкурсэ пыриськыны юрттӥзы элькунысьтымы Дышетонъя но тодосъя министерство Министерство образования и науки Удмуртии, Дышетонэз азинонъя институт ИРО УР :: Официальная страница , "Вордскем кыл" журналлэн редакциез, Дэри ёросысь Дышетонъя управление Управление образования Завьяловского района.
💥 Милана Фаридовна йӧскалык дӥськутэн тодматӥз, "Люгыкай нымы-кибыосты дышетэ" темая 3-тӥ классын ортчытэм видеороликсэ возьматӥз, солэсь радлыксэ, пуштроссэ но кутэм амалъёссэ валэктӥз.
🥁 Солэсь быгатонлыкъёссэ жюри вылӥ дунъяз. Милана Фаритовна конкурслэн "Дышетӥсь-новатор" номинациезъя вормисез луиз.💯
👍🏻 "Вордскем кыл" журналлэн редакциез Милана Фаридовнаез ӟечкыла вормонэныз, сӥзе выль азинсконъёс, ас кужымезлы оскон, ужудысаз бадӟым Мастер луыны.💫
#УдмуртКыл #УдмуртДышетӥсьёслы #ВордскемКыл
